Әдістемелік кеңестің мазмұны ​Қатысушылар: Балабақша меңгерушісі, әдіскер, қазақ тілі оқытушысы , дене шынықтыру нұсқаушысы, орыс тілінде оқытылатын топтардың тәрбиешілері. ​Күн тәртібі: Мектепке дейінгі ұйымда «Тілге бойлау» бағдарламасының іске асырылу барысы.

Кеңес басында бөбекжай меңгерушісі Жуманова Ф. С аталған бағдарлама бойынша білім алып жатқан 35 тәрбиеленушінің (13 ересек топ баласы және 22 мектепалды  тобының тәрбиеленушісі) аралық мониторинг нәтижелері туралы ақпарат берді.
​Тәжірибе алмасу:
Педагогтар өз жұмыстары туралы есеп беріп, оқытудың қандай әдіс-тәсілдері мен формаларын қолданатындарын ортаға салды. Сондай-ақ, жұмыс барысында кездесетін қиындықтарды талқылап, оларды шешу жолдарын қарастырды.
​Әдістемелік ұсыныстар:
Әдіскер Сабекова У.А оқытудың тиімді әдістері бойынша келесідей ұсыныстар берді:
​«Сөйлейтін қабырға»: Апта бойы үйренетін сөздерді сурет түрінде бейнелейтін «Қазақша сөйлейік!» стендін безендіру.
​Мнемотехника: Өлеңдерді, мақал-мәтелдерді, жұмбақтарды, сондай-ақ қазақ тіліндегі қарапайым сөйлемдер мен қысқа әңгімелерді жаттату үшін қолдану.
​Театрландырылған іс-әрекет: Ертегілерді театрдың әртүрлі түрлері арқылы қазақ тілінде айтып беру.
​Күн тәртібінде :сөздік, қимыл-қозғалыс және дидактикалық ойындар ойнату, Үлгілік оқу бағдарламасына сәйкес сөздік минимумды үнемі айтып отыру.
​Жұмысты жариялау: Дарынды балалармен жұмыс жүргізу, байқауларға қатысу және Тілге бойлау бойынша атқарылған жұмыстарды сайтта, Instagram парақшасында және ата-аналар чатында жариялау.
​Шешім:
​Жұмыста оқытудың тиімді формаларын қолдану жалғастырылсын.
​Мнемотехника әдісі мен қазақ тілі ортасына бойлау үшін пәндік-дамытушылық орта кеңінен пайдаланылсын.
​Күнделікті сәттерде міндетті сөздік минимумды қайталап отыру енгізілсін.
​Ата-аналарға ақпарат беріліп, «Тілге бойлау» бағдарламасын іске асыруға бірлескен іс-шаралар арқылы тартылсын.